Ганна Пятушэк - Віртуальны Універсітэт

Асэртыўнасць альбо як захаваць уласныя межы ў адносінах паміж людзьмі

Вітаўт Руднік — Sun, 17 Nov 2024 20:12:07 +0000

Як выбудоўваць свае межы і цвяроза казаць “Не”? Якая стратэгія найлепш працуе пад час адстойвання сваіх інтарэсаў ў асабістых і прафесійных умовах? Як не баяцца адмаўляць людзям?

Усе гэтыя пытанні мы будзем абмяркоўваць на лекцыі Ганны Пятушэк у Віртуальным універсітэце.

Асэртыўны стыль камунікацыі дапамагае адкрыта і выказвацца пра свае патрэбы і меркаванні. Асэртыўнасць стварае здаровы баланс паміж вашымі патрэбамі і патрэбамі іншых, што вядзе да паляпшэння адносін і больш паўнавартаснага ўзаемадзеяння паміж людзьмі.

Пасля лекцыі вы паверыце ў сябе, зразумееце, што таксама можаце быць асэртыўнымі, і атрымаеце мажлівасць папрактыкаваць асэртыўны стыль камунікацыі ў розных сітуацыях.

Заняткі падыходзяць усім, хто цікавіцца псіхалогіяй, эмацыйным інтэлектам і імкнецца выбудоўваць добрую камунікацыю з людзьмі.

The post Асэртыўнасць альбо як захаваць уласныя межы ў адносінах паміж людзьмі appeared first on Віртуальны Універсітэт.

Як рэгуляваць свае эмоцыі

Вітаўт Руднік — Tue, 20 Feb 2024 13:20:45 +0000

Даўгачаканае падарожжа, першы пацалунак, страта чагосьці вартаснага, раніца нядзелі і смак блінцоў з кухні… Сітуацыі могуць быць розныя, людзі, адпаведна, таксама розныя, час, месца і, нарэшце, ЭМОЦЫІ ўзнікаюць розныя. Дык што ж, час прыняць той факт, што эмоцыі – гэта важная частка кожнага з нас і мы можам несці адказнасць за нашыя рэакцыі і ўчынкі.

Рэгуляцыя эмоцый і асэнсаваны падыход да прыняцця важных рашэнняў можа палепшыць якасць вашага жыцця!

Таму на занятках вы не толькі палепшыце свае веды пра эмоцыі і эмацыйны інтэлект, але і атрымаеце карысныя прыёмы для якаснага пражывання розных эмоцый.

У канцы заняткаў кожны ўдзельнік атрымае падарунак!

Запрашаем на эмацыйныя заняткі ад Ганны Пятушэк!

The post Як рэгуляваць свае эмоцыі appeared first on Віртуальны Універсітэт.

Эмацыйны інтэлект: што гэта такое і чаму гэта так важна

Марыя Кучмейна — Tue, 10 Oct 2023 15:42:48 +0000

Эмацыйны інтэлект (ЭІ) – гэта здольнасць разумець і кіраваць сваімі і чужымі эмоцыямі, а таксама распазнаваць іх. Ён уключае ў сябе навыкі эмпатыі, самаацэнкі, кіравання стрэсам, матывацыі і сацыяльных навыкаў.

У час новай лекцыі Віртуальнага Універсітэту вы даведаецеся, як развіць свой эмацыйны інтэлект, навучыцца кіраваць сваімі эмоцыямі, выкарыстоўваць рэсурсы свайго эмацыйнага інтэлекту для прафесійнага і персанальнага развіцця.

Вы зразумееце, чаму людзі, нягледзячы на высокі ўзровень IQ, могуць пацярпець няўдачу, а ўладальнікі адносна сціплага IQ апыняюцца часам паспяховымі 😉

Заняткі правядзе Ганна Пятушэк, блогерка і кіраўніца інстаграм і тэлеграм аккаўнтаў Падбадзёрка (акаўнт пра эмацыйны інтэлект і метады памяншэння стрэсу і трывог).

Лекцыя адбудзецца на беларускай мове

The post Эмацыйны інтэлект: што гэта такое і чаму гэта так важна appeared first on Віртуальны Універсітэт.