Мы адкрывалі разам таямніцы гісторыі, разбіраліся з трэндамі ў эканоміцы, абмяркоўвалі, што нясе змяненне клімата і ці гатовыя мы да гэтага, вучыліся распавядаць гісторыі, выкарыстоўваць фемінітывы і казаць “Не!”.

А яшчэ адкрывалі невядомыя факты пра Уладзіміра Караткевіча, здзіўляліся людзям, якія рупліва вядуць вясковую гаспадарку, вырошчваюць у кватэры мікразеляніну ды папулярызуюць прынцыпы ўстолівага развіцця!

Мы шчыра ўдзячныя ўсім, хто наведваў нашыя заняткі, хто пераглядаў запісы заняткаў у інтэрнэце і пашыраў іх!

Глядзі запісы нашых заняткаў тут:

https://www.youtube.com/@online_university_live/videos

Мы ганарымся камандай выкладчыкаў, якая зрабіла гэты сезон такім тэматычна разнастайным і цікавым.

Спадзяемся, што сустрэнемся з вамі ўжо ў хуткім часе на занятках Вясновага сезону, а пакуль віншуем вас усіх з Новым годам і зычым моцнага здароўя ды плёну ва ўсіх вашых справах!

The post Дзякуй, што былі з намі! Да сустрэчы ў новым сезоне! appeared first on Віртуальны Універсітэт.

Заняткі гэтага сезону распачаліся ў лютым і доўжыліся да канца вясны.

Нашымі экспертамі былі беларускія навукоўцы, дзеячы культуры, краязнаўцы, грамадскія актывісты, якія жывуць сёння ў розных краінах свету.

Яны распавядалі пра выбітных асобаў (Васіль Быкаў, Францыск Скарына), пра карысныя тэхналогіі і з’явы (візуалізацыя, эмацыйны інтэлект), геапалітыку, беларускую і сусветную эканоміку, устойлівае развіццё, пермакультуру, экалогію, фемінізм, філатэлію, акторскае майстэрства.

Мы ганарымся, што аснову нашай аўдыторыі складалі беларусы з розных гарадоў і мястэчак, а таксама з розных краін свету.

Матэрыялы многіх заняткаў гэтага сезона ўжо дасяжныя на нашым сайце і будуць яшчэ дадавацца туды.

Раім таксама зазірнуць на наш Ютуб-канал, дзе сабраныя відэа з заняткаў. Там вы напэўна патрапіце на тэмы, якія вам цікавыя!

Новы, восьмы па ліку сезон Віртуальнага Універсітэту, пачнецца ўвосень. Вы таксама можаце стаць нашымі выкладчыкамі ды студэнтамі. Сачыце за абвесткамі на нашым сайце і ў нашых сацыяльных сетках!

Давай разам пашыраць доступ беларусаў да якаснай адукацыі!

The post Вясновы сезон Віртуальнага Універсітэту завершаны – сустрэнемся ўвосень! appeared first on Віртуальны Універсітэт.