У час гэтай лекцыі мы пагаворым пра тое, як першабытныя інстынкты працягваюць жыць у лічбавую эпоху і, у прыватнасці, у візуалізацыі дадзеных. 

Мы будзем разбірацца, як выкарыстоўваць іх для таго, каб эканоміць час, быць больш пераканаўчымі і запамінальнымі. 

Вядоўца лекцыі Аліна Радачынская дасць просты алгарытм дзеянняў, якія дапамогуць зрабіць першыя крокі ў візуалізацыі дадзеных, парады наконт таго, якіх памылак варта пазбягаць, як правільна выбраць графік, што найлепей перадась сэнс. Слухачы даведаюцца, як планаваць працу з дадзенымі, напрыклад, калі вы робіце апытанне.

Вы пазнаёміцеся таксама з такім інструмантам візуалізацыі, як Datawrapper. Гэты сервіс, створаны журналістамі, вельмі просты ў выкарыстанні і ўжо падчас лекцыі вы зможаце намаляваць свой першы графік.

Занятак будзе карысны тым, хто прэзентуе вынікі даследванняў, апытанняў, піша аналітычныя тэксты, а таксама ўсім “гуманітарыям”, якім цікава, але пакуль страшна пачаць працаваць з дадзенымі. 

The post Візуалізацыя дадзеных для тых, хто хацеў пачаць, але не ведаў, як appeared first on Віртуальны Універсітэт.

Дзеля таго, каб абраць інструменты, ці некалькі інструментаў, якія вы будзеце выкарыстоўваць на сваіх занятках, трэба ўлічваць вашы мэты. Адныя інструманты дапамогуць вам арганізаваць групавую працу, іншыя – праверыць веды, сабраць пытанні, правесці гульню і г.д. Важна таксама разумець, наколькі лёгка будзе прыстасаваць той альбо іншы інструмант пад свае задачы.

У час заняткаў Дзіяна распавяла пра тое, як карыстацца інтэрактыўнымі дошкамі, сервісамі для стварэння апытанак і віктарын. 

Інтэрактыўныя дошкі

Адна з самых папулярных дошак – Google Jamboard. Яна зручная менавіта сваёй прастатой, таму што доступ туды не патрабуе папярэдняй рэгістрацыі. Google Jamboard можна зрабіць праз Google Дыск, які зараз ёсць амаль у кожнага і кожнай з нас.

Padlet – другі папулярны варыянт, які працуе з толькі камп’ютара, асаблівасць гэтай дошкі ў тым, што яе функцыянал больш складаны і ў ты ж момант больш прыгожы, таму што ён дадае магчымасць змяняць фоны на асабістыя, ствараць інтэрактывы, дадаваць розную інфармацыю.

Miro+Miroverse – гэта бясконцая дошка, функцыянал якой дазваляе ствараць розны інтэрактыўны кантэнт, інтэграваць фота, відэа, аўдыё-матэрыялы, а таксама абіраць розныя шаблоны для групавой і індывідуальнай працы.

Сервісы для правядзення апытанняў 

Mentimeter – анлайн-сэрвіс, які дазваляе распрацоўваць розныя апытанкі для вашай аўдыторыі, кшталту квізаў, пытанняў з вялікай колькасцю адказаў, ці аблокаў слоў. Бясплатна можна зрабіць два слайды з інтэрактыўнымі заданнямі.

У Mentimeter ёсць альтэрнатыва – ahaSlides, па функцыяналу гэта два амаль што аднолькавых інструменты. Паспрабуйце папрацаваць з ім, каб зразумець, які асабіста для вас больш зручны.

Сервісы для стварэння віктарын 

Kahoot! – вельмі папулярны ангельскамоўны інструмент для віктарын, які можна па загружанасці параўнаць з Zoom. Бясплатнай версіі хапае для стварэння невялічкіх віктарын. Вашы ўдзельнікі і ўдзельніцы далучаюцца да Kahoot! па спасылцы ці к’юар-коду, звычайна на маніторы яны бачаць пытанне, а праз тэлефон адказваюць.

Quizizz – крыху падобны на Kahoot! інструмент, але ім лепей карыстацца,  калі вы жадаеце даць кожнаму ўдзельніку ці ўдзельніцы асабісты тэст.

Як карыстацца гэтымі інструментамі, і якія падводныя камяні яны маюць, вы можаце паглядзець у запісах заняткаў на нашым YouTube канале.

The post <strong>Усё бачна, усё чуваць: інтэрактыўныя інструменты для працы ў ZOOM</strong> appeared first on Віртуальны Універсітэт.

Любое мерапрыемства ў Zoom патрабуе тэхнічнай падрыхтоўкі па наступных напрамках: камера, гук, падрыхтоўка спікера.

Калі гаворка ідзе пра камеру і відэа, трэба звярнуць увагу на святло ў памяшканні, дзе вы плануеце праводзіць заняткі, каб вас нічога не перазасвечвала і не зацямняла. 

Таксама трэба ўлічваць ваш фон – нічога не павінна адцягваць увагу гледачоў, таму, калі не атрымліваецца знайсці нейтральны фон, магчыма выкарыстаць замыльванне ў Zoom. Што датычыцца якасці, вы можаце выкарыстоўваць асобныя вебкамеры, ці тэлефон, дзеля таго, каб якасць карцінкі была лепшай.

Каб напрацягу заняткаў і мерапрыемстваў гук у Zoom вас не падводзіў, лепей час ад часу глядзець ці працуе ваш мікрафон. Таксама ў Zoom ёсць магчымасць накладваць фільтры на гук, і тады ён заглушае ўсё іншае, акрамя голасу, але лепей абіраць для заняткаў ціхія месцы.

Вельмі важна, каб да заняткаў былі падрыхтаваныя не толькі тэхнічныя налады, аде і сам спікер. Прыйсці загадзя, спраздзіць працу камп’ютара, забяспечыць сябе гарбатай ці вадой і г.д.

Таксама пад час падрыхтоўкі спікеру варта задаваць сабе пытанне кшталту: “Ці гэта цікава маёй аўдыторыі?”, каб матэрыялы і інфармацыя былі карыснымі для аўдыторыі.

Чым лепей структураваны вашы заняткі ў Zoom, тым цікавей будзе вашым удзельнікам і ўдзельніцам.

Звычайна структура заняткаў у Zoom складаецца з наступных частак:

• Адкрыццё сустрэчы (некалькі хвілін на збор удзельнікаў, пачатковы слайд, ці нават фонавая музыка);
• Разагрэў аўдыторыі і важная інфармацыя (структура і правілы сустрэчы, знаёмства, інфармацыя з папярэдніх заняткаў і г.д.);
• Тэарэтычны блок;
• Практычны блок;
• Падсумаванне вынікаў.

Таксама ў час заняткаў Дзіяна распавяла пра аптымальны час на той альбо іншы блок і пра магчымыя фарматы анлайн-заняткаў, свае асабістыя “фішкі” і прыклады – усё гэта вы можаце паглядзець у запісах заняткаў на нашым YouTube канале.

The post <strong>Усё бачна, усё чуваць: як падрыхтаваць заняткі ў ZOOM, каб яны былі эфектыўнымі</strong> appeared first on Віртуальны Універсітэт.

У час заняткаў адукатарка распавядала пра розныя функцыі Zoom, пакрокава апісала алгарытм стварэння анлайн мерапрыемства, падзялілася сваім досведам працы ў галіне і цікавымі кейсамі.

Вось некаторыя парады ад Дзіяны па планаванні онлайн мерапрыемстваў:

• добра прадумайце ідэю, дзеля якой вы збіраецеся арганізаваць онлайн мерапрыемства;
• вызначцеся з мэтавай аўдыторыяй: што гэта за людзі, якія ў іх патрэбы;
• разлічыце час;
• улічыце рызыкі, якія могуць узнікнуць у час мерапрыемства (напрыклад, з рэгістрацыяй удзельнікаў, рассылкай ім спасылак на ЗУМ, кепскім інтэрнэтам і г.д.)

Топ-3 цікавых фактаў пра Zoom з лекцыі Дзіяны Ляшкевіч:

• З кожным новым абнаўленнем у Zoom з’яўляюцца новыя функцыі, а разам з імі могуць з’яўляцца і новыя “глюкі”. Калі ад гэтых тэхнічных збояў нам не ўберагчыся, то своечасовае знаёмства з новым функцыямі вельмі палягчае карыстанне праграмай.
• Zoom даступны праз браўзер і праз дадатак для кампутара ці тэлефона. Каб змяніць пашыраныя налады вашага мерапрыемства, дадатку не дастаткова, трэба заходзіць у ваш профіль праз браўзер.
• Трэба ўлічваць моц вашага камп’ютара, абіраючы Zoom інструмантам для вашага мерапрыемства. Праграма патрабуе шмат рэсурсаў і ёсць рызыка, што пры адначасовам з іншымі праграмамі выкарыстанні кампутар будзе “завісаць”.

На наступных занятках, якія пройдуць 25 красавіка, удзельнікі будуць знаёміцца з тым, як забяспечыць актыўнае ўзаемадзеянне з аўдыторыяй у час онлайн мерапрыемстваў.

The post <strong>Усё бачна, усё чуваць?</strong> appeared first on Віртуальны Універсітэт.

Разбярэмся падчас анлайн-курса «Усё бачна, усё чуваць?»  

Заняткі будуць праходзіць па аўторках, пачатак у 18:30. 

18, 25 красавіка, 2 і 16 траўня.

Падчас заняткаў удзельнікі:

• пазнаёмяцца з праграмай, даведаюцца асноўныя функцыі Zoom, важныя як для арганізатараў, так і для ўдзельнікаў;
• даведаюцца аб неабходных арганізацыйных момантах: што важна ўлічыць перад пачаткам анлайн-заняткаў і пасля іх;
• пазнаёмяцца з інтэрактыўнымі інструменты працы з аўдыторыяй падчас анлайн-заняткаў;
• атрымаюць карысныя парады з досведу спікеркі.

Заняткі будуць праходзіць у інтэрактыўным фармаце з мінімумам тэорыі. 

Удзельнікі і ўдзельніцы будуць засвойваць метады і інструменты адразу на практыцы.

Курс будзе карысны для тых, хто:

— мае экспертызу ў пэўнай галіне і хоча дзяліцца гэтым з іншымі з дапамогай анлайн-мерапрыемстваў на платформе Zoom;

— ніколі не карысталіся праграмай Zoom як адукатары альбо маюць невялічкі досвед карыстання.

Для ўдзелу ў курсе важна:

— быць гатовымі далучацца да заняткаў з магчымасцю ўключыць камеру і мікрафон;

— далучацца да заняткаў з камп’ютара, пажадана мець пад рукой тэлефон;

— мець хуткае і стабільнае Інтэрнэт-спалучэнне.

Прадугледжаны матэрыялы для самастойнага засвойвання. Заняткі будуць праходзіць на беларускай мове.

The post Усё бачна, усё чуваць? Курс па асновах працы ў Zoom для адукатараў-пачаткоўцаў appeared first on Віртуальны Універсітэт.