З аднаго боку, разбяром новыя рызыкі: выкарыстанне ШІ ў махлярскіх схемах, стварэнне пераканаўчых фальшывых паведамленняў і прапановаў, а таксама абяцанні лёгкага заробку і «гарантаванага» прыбытку.

З іншага боку, паглядзім, як ШІ можна выкарыстоўваць як практычнага асістэнта ў асабістых і сямейных фінансах: для аналізу выдаткаў, планавання бюджэту, параўнання варыянтаў, тлумачэння складаных фінансавых паняццяў і мадэлявання розных фінансавых сцэнароў.

Асаблівую ўвагу надамо бяспечнаму выкарыстанню ШІ. Мы абмяркуем, якія асабістыя і фінансавыя звесткі не варта перадаваць такім сістэмам, чаму іх разлікі і сцверджанні трэба правяраць і як распазнаваць сітуацыі, калі пераканаўчы адказ ШІ можа аказацца памылковым.

Папярэдняя падрыхтоўка або спецыяльныя веды ў галіне штучнага інтэлекту для ўдзелу ў занятку не патрабуюцца.

Пасля занятку Вы будзеце разумець / ведаць:
— якія магчымасці і абмежаванні маюць сучасныя ШІ-інструменты ў сферы асабістых фінансаў;
— якія фінансавыя пагрозы становяцца больш небяспечнымі праз развіццё ШІ;
— якую інфармацыю бяспечна, а якую непажадана перадаваць ШІ;
— чаму адказы і разлікі ШІ трэба пераправяраць;
— у якіх штодзённых фінансавых задачах ШІ сапраўды можа быць карысным.

Вы зможаце:
— фармуляваць запыты да ШІ для вырашэння побытавых фінансавых задач;
— выкарыстоўваць ШІ для аналізу сямейнага бюджэту і параўнання розных сцэнароў;
— крытычна ацэньваць атрыманыя адказы і правяраць важныя разлікі;
— распазнаваць некаторыя характэрныя прыкметы сумнеўных фінансавых прапановаў і маніпуляцыяў;
— больш бяспечна выкарыстоўваць ШІ пры працы з фінансавай інфармацыяй.

Занятак правядзе Аляксандар Малярэнка.

Эканаміст і бізнес-/сістэмны аналітык. Мае магістарскія ступені ў галіне эканомікі і дзяржаўнага кіравання.

Выкладаў у некалькіх унівэрсітэтах, займаецца практычнай аналітыкай дадзеных, даследаваннямі і адукацыйнымі праектамі ў сферы макраэканомікі і трансфармацыйных працэсаў.

Піша для медыяў пра стан эканомікі, лічбавую трансфармацыю і выкарыстанне штучнага інтэлекту. У прафесійнай дзейнасці таксама выкарыстоўвае ШІ ў бізнес- і сістэмным аналізе.

Запрашаем!

Пачатак: 27 кастрычніка ў 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: руская.

Зарэгістравацца на занятак можна да 26 кастрычніка. Гэта зойме ў вас не больш за хвіліну!

Пасля рэгістрацыі за дзень і за 2 гадзіны да пачатку занятку вы атрымаеце спасылку на ЗУМ, па якой зможаце далучыцца да іх.

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Зарэгістравацца таксама можна тут: https://luma.com/xq5bvem8

Рэгіструйцеся таксама на іншыя нашыя заняткі!

The post Штучны інтэлект: ад фінансавых пагрозаў да асабістага і сямейнага фінансавага асістэнта appeared first on Віртуальны Універсітэт.

У час гэтай лекцыі мы пагаворым пра тое, як першабытныя інстынкты працягваюць жыць у лічбавую эпоху і, у прыватнасці, у візуалізацыі дадзеных. 

Мы будзем разбірацца, як выкарыстоўваць іх для таго, каб эканоміць час, быць больш пераканаўчымі і запамінальнымі. 

Вядоўца лекцыі Аліна Радачынская дасць просты алгарытм дзеянняў, якія дапамогуць зрабіць першыя крокі ў візуалізацыі дадзеных, парады наконт таго, якіх памылак варта пазбягаць, як правільна выбраць графік, што найлепей перадась сэнс. Слухачы даведаюцца, як планаваць працу з дадзенымі, напрыклад, калі вы робіце апытанне.

Вы пазнаёміцеся таксама з такім інструмантам візуалізацыі, як Datawrapper. Гэты сервіс, створаны журналістамі, вельмі просты ў выкарыстанні і ўжо падчас лекцыі вы зможаце намаляваць свой першы графік.

Занятак будзе карысны тым, хто прэзентуе вынікі даследванняў, апытанняў, піша аналітычныя тэксты, а таксама ўсім “гуманітарыям”, якім цікава, але пакуль страшна пачаць працаваць з дадзенымі. 

Як гуманітарый, я добра разумею, як страшна можа быць пачынаць працу з лічбамі. Мне дасяжныя светапогляды абодвух бакоў гэтага ўмоўнага дзялення. Таму я з ласкай і клопатам распавядаю патэнцыйна складаныя (насамрэч не) рэчы, каб ніхто не адчуваў сябе бязмерна далёка ад тэмы.

Аліна Радачынская

Аліна Радачынская

Сузаснавальніца “Лабараторыі адкрытых дадзеных”, спецыялістка ў галіне Business Intelligence.

Запішыцеся таксама на іншыя нашыя курсы!

The post Візуалізацыя дадзеных для тых, хто хацеў пачаць, але не ведаў, як appeared first on Віртуальны Універсітэт.