Вядомы эксперт па пытаннях устойлівага развіця. Займаецца гэтай тэмай амаль 20 гадоў і спалучае ў ёй навукова-даследчы падыход, праектную дзейнасць і асабістыя жыццёвыя практыкі. Кандыдат эканамічных навук, дацэнт, былы прафесар БДУ, аўтар больш за 250 публікацый, у тым ліку кніг (адна з іх – на ангельскай мове). Мэнэджар, эксперт і кансультант многіх міжнародных праектаў пад эгідай Еўрапейскага Саюза, USAID, ПРААН, сааўтар больш 40 стратэгій устойлівага развіцця – ад нацыянальных, да лакальных – у Беларусі і Украіне. Вывучаў досвед устойлівага развіцця ў мностве краінаў свету, з’яўляецца сябрам Еўрапейскага вясковага парламенту (European Rural Parliament). І адначасова – захапляецца садаводствам, рэалізуе ідэі ўстойлівага развіцця на вясковай сядзібе, і папулярызуе іх праз курсы, семінары, публікацыі, праекты. Лічыцца евангелістам устойлівага развіцця ў Беларусі.