Як пераўвасобіць прынцыпы ўстойлівага развіцця ў эфектыўныя дзеянні? Што такое праекты на прынцыпах устойлівага развіцця і як іх ажыццяўляць? Чаму супрацоўніцтва з мясцовай грамадой карысна для асабістага жыцця і як гэта ажыццявіць? Як спрыяць пазітыўнаму ўзаемадзеянню з прыродай на асабістым кутку зямлі, у прысядзібнай гаспадарцы, на лецішчы, ці падчас вандровак?

Усе гэтыя пытанні мы будзем дэталёва абмяркоўваць на лекцыях Алега Сівагракава ў Віртуальным універсітэце. Пасля заняткаў вы будзеце разумець, як лепш пачынаць сваю справу і што можа спрыяць таму, каб яна была ўстойлівая (у розным разуменні гэтага тэрміна), і як атрымліваць асалоду ад жыцця на прынцыпах устойлівага развіцця.

Вы зможаце скласці персанальны чэк-ліст “Шлях да ўстойлівага развіцця” і гэта адчыніць для вас новыя гарызонты.

Заняткі падыходзяць усім, хто цікавіцца практыкамі ўстойлівага развіцця і экалогіяй.

The post Як выкарыстоўваць тэорыю ўстойлівага развіцця ў штодзённым жыцці appeared first on Віртуальны Універсітэт.

Што вымусіла чалавецтва заняцца тэматыкай устойлівасці? Як спалучыць традыцыі і інавацыі? Навошта нам ведаць пра комплекснасць і міждысцыплінарнасць? Чаму мы, людзі, можам навучыцца ў гусінай чарады? Адказы на гэтыя пытанні вы пачуеце падчас заняткаў, якія стануць уводзінамі ў тэорыю і практыку УСТОЙЛІВАГА РАЗВІЦЦЯ.

Хутчэй за ўсё вы ўжо сутыкаліся з гэтым тэрмінам, і, магчыма, ён падаўся вам празмерна навуковым і нават нудным. Але ж нездарма УСТОЙЛІВАЕ РАЗВІЦЦЁ выкладаецца ў мностве універсітэтаў свету. Невыпадкова МЭНЭДЖАР ПА ЎСТОЙЛІВЫМ РАЗВІЦЦІ – самая запатрабаваная прафесія ў Заходняй Еўропе ў гэтым годзе. Таму мае сэнс усё ж пазнаёміцца з гэтай канцэпцыяй і падумаць, як ёй карыстацца ў прыватным і прафесійным жыцці. І адчуць змены да лепшага.

Сустрэча будзе цікавай і для студэнтаў, і для старэйшых школьнікаў, і для людзей любога ўзроста – аматараў новых ведаў і уражанняў.

Тым больш, што суправаджаць вас ў гэтай вандоўцы будзе Алег Сівагракаў, які назапасіў і рады падзяліцца не толькі мноствам навуковых фактаў і статыстыкай, але і распавядзе шмат цікавых гісторый з летапісу ўстойлівага развіцця.

Занятак будзе праходзіць па-беларуску.

Заяўкі прымаюцца да 26 траўня.

The post Устойлівае развіццё: уводзіны appeared first on Віртуальны Універсітэт.