Атрымаць уяўленне аб тысячагадовай архітэктурнай традыцыі нашай краіны, навучыцца хутка адрозніваць стылі і эпохі ў архітэктуры, зразумець гістарычны кантэкст будаўніцтва свецкай ды сакральнай архітэктуры ў Беларусі, адкрыць для сябе малавядомыя архітэктурныя шэдэўры. Усё гэта змогуць удзельнікі, якія запішуцца на новы курс Віртуальнага Універсітэта, прысвечаны гісторыі архітэктуры нашай краіны.

Курс будзе складацца з 4 заняткаў: 

1. 23 лютага. “Старажытныя  помнікі дойлідства на берагах Немана ды Дзвіны”
2. 2 сакавіка.  “Касцелы ды храмы-крэпасці часоў ВКЛ”
3. 9 сакавіка. “Магнацкія рэзідэнцыі і бажніцы эпохі барокка ды класіцызму”
4. 16 сакавіка. “Архітэктурнае аблічча Беларусі ў канцы 19 – першай палове 20 стагоддзя.”

У час заняткаў ўдзельнікі пазнаёмяцца:

• з самымі адметнымі будынкамі Беларусі розных эпох;
• з найбольш цікавымі турыстычнымі маршрутамі для наведвання помнікаў; дойлідствам нашай краіны.

Адметнасцю курса будзе не размова аб архітэктуры дзеля самой архітэктуры, а яе разуменне ў звязку з мясцовым кантэкстам, гістарычнымі асобамі ды часам.

Курс грунтуецца на асабістым досведзе вандровак па Беларусі і абапіраецца на аўтарскі фоташэраг.

Пасля гэтага курса вы будзеце дакладна ведаць, куды і чаму накіравацца ў вольны час!

Аўтар і вядучы курса – Анатоль Сцебурака, кандыдат гістарычных навук, дацэнт.

Мова курса – беларуская