Калі вы цікавіцеся архітэктурай і гісторыяй роднага краю – запрашаем у незвычайнае віртуальнае падарожжа!

Яно будзе асабліва цікавае тым, хто імкнецца

• навучыцца хутка адрозніваць стылі і эпохі ў архітэктуры
• зразумець гістарычны кантэкст будаўніцтва свецкай ды сакральнай архітэктуры ў Беларусі
• даведацца больш не толькі аб славутых помніках, але адкрыць для сябе малавядомыя архітэктурныя шэдэўры

У час сустрэчы вы пазнаёміцеся:

• з найбольш адметнымі архітэктурнымі аб’ектамі, якія сёння патрабуюць рэстаўрацыі
• з аўтарскім ТОП-5 закінутых помнікаў дойлідства нашай краіны

Адметнасцю сустрэчы будзе не размова аб архітэктуры дзеля самой архітэктуры, а яе разуменне ў звязку з мясцовым кантэкстам, гістарычнымі асобамі ды часам.

Матэрыялы, якія будуць прадстаўленыя ў час сустрэчы, грунтуюцца на асабістым досведзе вандровак па Беларусі і абапіраюцца на аўтарскі фоташэраг.

Пасля нашага падарожжа вы будзеце дакладна ведаць куды і чаму накіравацца ў вольны час!