Як пераўвасобіць прынцыпы ўстойлівага развіцця ў эфектыўныя дзеянні? Што такое праекты на прынцыпах устойлівага развіцця і як іх ажыццяўляць?

Чаму супрацоўніцтва з мясцовай грамадой карысна для асабістага жыцця і як арганізаваць такое супрацоўніцтва? Як спрыяць пазітыўнаму ўзаемадзеянню з прыродай на асабістым кутку зямлі, у прысядзібнай гаспадарцы, на лецішчы, ці падчас вандровак?

Усе гэтыя пытанні мы будзем дэталёва абмяркоўваць на лекцыях Алега Сівагракава ў Віртуальным універсітэце.

Алег Сівагракаў

Евангеліст устойлівага развіцця ў Беларусі! Займаецца гэтай тэмай амаль 20 гадоў і спалучае ў ёй навукова-даследчы падыход, праектную дзейнасць і асабістыя жыццёвыя практыкі. Кандыдат эканамічных навук, дацэнт, былы прафесар БДУ, аўтар больш за 250 публікацый, у тым ліку кніг. Мэнэджар, эксперт і кансультант многіх міжнародных праектаў ад эгідай Еўрапейскага Саюза, USAID, ПРААН, суаўтар больш 40 стратэгій устойлівага развіцця – ад нацыянальных, да лакальных – у Беларусі і Украіне. Сябра Еўрапейскага вясковага парламенту (European Rural Parliament).

Калі: 26 лістапада і 3 снежня (пачатак у 19.00 па мінскім часе).

Пасля заняткаў вы будзеце разумець, як лепш пачынаць сваю справу і што можа спрыяць таму, каб яна была ўстойлівая (у розным разуменні гэтага тэрміна), і як атрымліваць асалоду ад жыцця на прынцыпах устойлівага развіцця.

Вы зможаце скласці персанальны чэк-ліст “Шлях да ўстойлівага развіцця” і гэта адчыніць для вас новыя гарызонты.

Заняткі падыходзяць усім, хто цікавіцца практыкамі ўстойлівага развіцця і экалогіяй.

Спасылка на заняткі ў ZOOM будзе дасланая на электронную пошту ўсім, хто запоўніць форму заяўкі.

The post Як выкарыстоўваць тэорыю ўстойлівага развіцця ў штодзённым жыцці appeared first on Віртуальны Універсітэт.

Што такое мікразеляніна і адкуль яна ўзялася? Якія ёсць віды мікразеляніны і ў чым іх карысць? Што патрэбна для вырошчвання мікразеляніны?

Усе гэтыя пытанні мы будзем дэталёва абмяркоўваць на лекцыі Яўгена Калача ў Віртуальным універсітэце.

Калі: 21 лістапада ў 19.00 па мінскім часе.

Яўген Калач

Кіраўнік анлайн-школы “Сіці-фермер”, створанай ў межах сацыяльна-калагічнага пілотнага праекта “Інклюзіўны фермер”. Практыкуючы сіці-фермер, эколаг.

Мікразеляніна круглы год ці гарод на падваконні – гэты занятак для тых, хто не жадае мірыцца з кароткім летнім сезонам і хоча гадаваць мікразеляніну і травы круглы год, незалежна ад дзівосаў прыроды.

Усе ахвотныя змогуць атрымаць індывідуальную кансультацыю па вырошчванні мікразеляніны пасля лекцыі.

Запішыся!

Чакаем вашых заявак да 20 лістапада. Усе, хто запоўніць форму заяўкі, атрымаюць на сваю электронную почту спасылку, праз якую можна далучыцца да заняткаў.

The post Што такое мікразеляніна, у чым яе карысць і як яе вырошчваць у горадзе appeared first on Віртуальны Універсітэт.

Што такое клімат і чаму ён ніколі не быў стабільным? Якія фактары ўплываюць на кліматычныя ваганні? Як вылічыць асабісты ўнёсак у планетарныя змены?

Усе гэтыя пытанні мы будзем дэталёва абмяркоўваць на лекцыях Уладзімера Зуева ў Віртуальным універсітэце.

Уладзімер Зуеў

Магістр навук. Эколаг, педагог, публіцыст, аўтар навуковых публікацый.

Заняткі адбудуцца 6, 8 і 11 лістапада. Пачатак у 19.00 па Менску.

Запішыся!

Мы абмяркуем сучасныя кліматычныя тэндэнцыі, іх уплыў на экасістэмы, эканоміку і здароўе людзей, а таксама ролю чалавека ў гэтых глабальных зменах.

Пагаворым пра тое, якія дзеянні мы можам зрабіць на індывідуальным, гарадскім і дзяржаўным узроўнях, каб зрабіць наша жыццё больш бяспечным.

Даведаемся, як кожны з нас можа ўнесці свой унёсак у барацьбу з кліматычнымі рызыкамі ўжо цяпер.

Заняткі падыходзяць усім, хто гатовы рабіць нашу планету, нашае жыццё больш бяспечным!

The post Клімат змяняецца. А мы? appeared first on Віртуальны Універсітэт.

Як можна ўладкаваць жыццё на асабістай дапаможнай гаспадарцы, калі вырашылі пераехаць жыць з горада на вёску? На што трэба будзе звярнуць увагу, каб ваша прадукцыя была вышэйшага эка-стандарту? Як яе можна рэалізоўваць і смачна гатаваць паводле традыцыйных тэхналогій?

Усе гэтыя пытанні мы будзем дэталёва абмяркоўваць на лекцыі Міколы Матрунчыка ў Віртуальным універсітэце.

Мы разбяром, як правільна аформіць свой надзел зямлі, што будзе з юрыдычнага пункту гледжання, калі вы пачынаеце вырошчваць больш раслін, ці жывёл, каб крышку зарабляць за кошт такой самазанятасці.

Вы яшчэ раз пераканаецеся ў тым, што лепш выдаткаваць больш часу і харчавацца “жывой ежай”, чым сілкавацца штучнай.

Заняткі падыходзяць усім: пачаткоўцам, аматарам, прафесіяналам.

Кожны слухач і слухачка атрымаюць у pdf-фармаце кніжку, якая падрыхтавана з удзелам Міколы і экспертаў па ўстойліваму развіццю і самазанятасці на вёсцы.

Кніжка зроблена на падставе лекцый, якія чыталіся апошнія два гады, для тых, хто цікавіцца самазанятасцю на вёсцы.

Мікола Матрунчык

Па адукацыі філосаф, пасля працы ў Нацыянальным гістарычным музэі і Цэнтры імя Скарыны АН РБ, кіраваў 30 год рознымі грамадска-царкоўнымі арганізацыямі. Жыве больш за 20 год у вёсцы, кіруе эканамічна і экалагічна ўстойлівай гаспадаркай “ЭКАФАНІЯ”.

Калі?

4 лістапада ў 19.00 па менскім часе (17.00 па Варшаве).

Дзе?

Zoom. Спасылка будзе дасланая на электронную пошту тых, хто заявіцца на ўдзел у занятках.

Як заявіцца?

Запоўніце да ДАТА форму заяўкі, пазначыўшы ў ёй актуальны адрас сваёй электроннай пошты.

The post Асабістая гаспадарка ў вёсцы: экалагічныя спосабы самазанятасці appeared first on Віртуальны Універсітэт.