Паглядзець на вядомых гістарычных асобаў з незвычайнага ракурса, зразумець, што гісторыю стваралі не толькі мужчыны, адкрыць для сябе новыя жаночыя імёны. Усё гэта чакае цябе на заключных у гэтым сезоне занятках Віртуальнага Універсітэта.

Заняткі будуць асабліва цікавымі тым, хто цікавіцца гісторыяй Беларусі і яе гендэрнымі аспектамі.

Мы пазнаёмімся з выбітнымі персаналіямі нашай гісторыі і іх унёскам у нашу спадчыну. Зробім акцэнт на тым, што ў гісторыі прадстаўлены ў асноўным мужчынскія постаці, але ж на справе было не заўсёды так!

Рагнеда і Рагвалод, Святаполк і Уладзімір, Міндоўг, Марта і Даўмонд, Брыгіта і Кейстут, Ганна і Вітаўт. І гэта толькі пачатак спіса персаналій, праз якіх мы паглядзім на наша мінулае.

Заняткі адбудуцца 2 і 5 лютага.

Пачатак: 20.00 па Менску (18.00 па Варшаве, 19.00 па Вільні).

Працягласць заняткаў – 1,5 гадзіны.

Мова: беларуская.

Рэгістрацыя на заняткі зойме ў вас не больш за хвіліну!

Пасля рэгістрацыі за дзень і за гадзіну да пачатку заняткаў вы атрымаеце спасылку на ЗУМ, па якой зможаце далучыцца да іх.

2 лютага:

5 лютага:

Далучайцеся на іншых нашых заняткаў!

Як збалансаваць свой рацыён, як стрэс уплывае на харчаванне і як пазбягаць эмоцыянальнага пераядання, якія прадукты і звычкі дапамагаюць адчуваць сябе энергічным і здаровым кожны дзень. Пра ўсё гэта распавядзе на занятках Віртуальнага Універсітэту вядомая беларуская фуд-блогерка Алеся Княжэвіч.

Пасля гэтых заняткаў вы будзеце разумець, як:

• Складаць рацыён, які карысны для арганізма і не выклікае стрэс.
• Разпазнаваць сігналы цела, калі хочацца есці з-за эмоцый, а не голаду.

Вы зможаце:

• Планаваць сняданак, абед і вячэру без шкоды для здароўя.
• Паступова ўводзіць змены ў рацыён, атрымліваючы асалоду ад ежы.
• Выкарыстоўваць практыку ўважлівага харчавання (Mindful eating) у паўсядзённым жыцці.

Разынкай заняткаў будзе інтэрактыўнае практыкаванне Mindful eating, дзе вы навучыцеся ўважліва смакаваць ежу, атрымліваючы асалоду ад кожнага кавалачка.

Заняткі адбудуцца 26 студзеня і 3 лютага.

Пачатак: 20.00 па Менску (18.00 па Варашаве, 19.00 па Вільні).

Працягласць заняткаў – 1,5 гадзіны.

Мова: беларуская.

Просім прайсці простую рэгістрацыю на кожны з іх па спасылках ніжэй!

Пасля гэтага за дзень і за гадзіну да пачатку заняткаў вы атрымаеце нагадванне пра заняткі разам са спасылкай на ЗУМ.

26 студзеня:

3 лютага:

Чакаем вас таксама на іншых нашых занятках!

Як размаўляла Беларусь раней? Як на беларускіх землях на працягу стагоддзяў стваралася і развівалася моўная рэальнасць? 

На гэтым занятку мы паспрабуем разам разабрацца ў дынамічных этнамоўных працэсах і зразумець, што этналінгвістычная прастора Беларусі - гэта не проста геаграфічная мапа, а жывая сістэма ўзаемадзеяння розных этнічных анклаваў і культур.

Вы даведаецеся, як мова служыла інструментам для канструявання лакальных і нацыянальных ідэнтычнасцяў, якія ключавыя гістарычныя фактары паўплывалі на яе, і як навукоўцы сёння рэканструююць складаныя сэнсы і сістэмы пісьменства мінулага.

Наша сустрэча дакладна адрасавана тым, хто хоча пазнаёміцца з гісторыяй беларускага краю праз прызму мовы і культуры.

Падчас лекцыі вы даведаецеся:

• Як і ў якіх умовах фарміравалася этналінгвістычная прастора Беларусі?
• Якія ключавыя гістарычныя і культурныя працэсы паўплывалі на фарміраванне этналінгвістычнай прасторы Беларусі?
• Якія асноўныя этнічныя анклавы былі задзейнічаны ў яе фарміраванні?
• Якія асаблівасці і адметныя характэрныя рысы мае этнамоўная прастора Беларусі?
• Як канструяваліся і рэканструяваліся ідэнтычнасці ў гэтай прасторы?

Пасля гэтага занятку вы зможаце:

• Выкарыстоўваць аналіз: крытычна ацэньваць і прымяняць метадалогію этналінгвістыкі для даследавання складаных культурна-моўных сітуацый.
• Бачыць гісторыю мовы: інтэрпрэтаваць гістарычныя тэксты і дакументы, разумеючы іх месца ў этнамоўнай прасторы мінулага.
• Ідэнтыфікаваць уплыў: ідэнтыфікаваць фактары, якія ўплывалі на моўны выбар і моўную лояльнасць у розных гістарычных супольнасцях Беларусі.
• Працаваць з крыніцамі: набыць навыкі работы з унікальнымі крыніцамі і матэрыяламі па гісторыі беларускага пісьменства і мовы.

Разынкамі заняткаў стане прэзентацыя вынікаў даследаванняў над рэканструкцыяй этнамоўнай прасторы Беларусі канца XVII– пачатку XX стст. (перыяду, ключавога для фарміравання сучаснай нацыі), а таксама прэзентацыя рэканструяванай сістэмы беларуска-габрэйскага пісьменства – наглядны прыклад міжкультурнага і моўнага ўзаемадзеяння ў цэнтры Еўропы.

Занятак адбудецца 27 студзеня.

Пачатак: 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Просім прайсці простую рэгістрацыю. Гэта зойме ў вас не больш за хвіліну!

Пасля гэтага за дзень і за гадзіну да пачатку заняткаў вы атрымаеце нагадванне пра занятак разам са спасылкай на ЗУМ.

Далучайцеся таксама да іншых нашых заняткаў!

Падчас гэтага занятку вы адправіцеся ў віртуальнае падарожжа па месцах памяці, звязаных з Халакостам. На прыкладах з Беларусі, Польшчы і Нямеччыны вы ўбачыце розніцу ў культурах памяці.

Вы зразумееце, што часам  памяць можа быць нябачнай у гарадской прасторы, але пры гэтым мець свае месца. 

Асаблівы акцэнт будзе зроблены на асабістыя гісторыі яўрэйскіх ахвяр.

Занятак будзе прымяркаваны да 27 студзеня - Міжнароднага дню памяці ахвяраў Халакосту.

Занятак адбудецца 22 студзеня.

Пачатак: 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Просім прайсці простую рэгістрацыю. Гэта зойме ў вас не больш за хвіліну!

Пасля гэтага за дзень і за гадзіну да пачатку заняткаў вы атрымаеце нагадванне пра занятак разам са спасылкай на ЗУМ.

Далучайцеся таксама да іншых нашых заняткаў!

Курс складаецца з трох анлайн-заняткаў, прысвечаных фармаванню практычных навыкаў дзеянняў у розных надзвычайных сітуацыях: тэхналагічнага, сацыяльнага, прыродна-кліматычнага і ваеннага тыпаў. 

Удзел у занятках дапаможа вам лепш разумець рызыкі сучаснага свету і падрыхтавацца да іх.

Акцэнт будзе зроблены на падрыхтоўку, рэагаванне і планаванне. 

Мы паразмаўляем пра ключавыя элементы бяспекі: асабістая гатоўнасць, падтрымка ўразлівых груп, падрыхтоўка дома і транспарту, стварэнне запасаў, эвакуацыя, першая дапамога, паводзіны пры пажары, паводцы, блэкаўце, атацы з паветра, а таксама небяспекі, звязаныя з хімічнымі, біялагічнымі, радыяцыйнымі і ядзернымі пагрозамі. 

Асобна разгледзім пытанні дызінфармацыі, кібербяспекі і паводзінаў у натоўпе.

Вы атрымаеце практычныя інструкцыі, чэк-лісты і рэкамендацыі, каб дзейнічаць хутка, асэнсавана і скаардынавана.

Пасля курса вы зможаце самастойна ацэньваць рызыкі, прымаць рашэнні ў стрэсе, забяспечваць бяспеку сям’і, падтрымліваць іншых і ўзаемадзейнічаць з адпаведнымі службамі.

Заняткі адбудуцца 12, 19 і 20 студзеня.

Пачатак: 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Зарэгістрацыя на заняткі зойме ў вас не больш за хвіліну! Просім рэгістравацца на кожны занятак курса!

Пасля рэгістрацыі за дзень і за гадзіну да пачатку заняткаў вы атрымаеце спасылку на ЗУМ, па якой зможаце далучыцца да іх.

Далучайцеся таксама да іншых нашых заняткаў!

Instagram – гэта не пра «моладзь і фільтры». Гэта пра людзей, пра гісторыі і пра давер. Тут можна прыемна весці сваю старонку для душы, а можна акуратна і без стрэсу стварыць асабісты брэнд і прасоўваць сваю невялікую справу: кансультацыі, рэпетытарства, вязанне, выпечка, рамонт і г.д.

Мы пойдзем простым, зразумелым шляхам, у спакойным тэмпе і без лішняга слэнгу.

На занятках вы даведаецеся:

• як сёння працуе Instagram: профіль, стужка, Stories, Reels: што сапраўды дае вынік;
• як аформіць профіль, каб адразу было зразумела хто вы і чым цікавыя/карысныя;
• як пісаць па-людску: простыя тэксты, якія чытаюць;
• як рабіць акуратныя фота/відэа на смартфон без «танцаў з бубнам»;
• што такое хэштэгі і геаметкі, і калі яны дапамагаюць;
• як уключыць бізнес-інструменты (кнопкі сувязі, спасылкі, базавая аналітыка) і не заблытацца.

Пасля гэтых заняткаў вы будзеце разумець, як:

• спланаваць простую кантэнт-стратэгію;
• выбіраць фарматы: калі пост, калі Stories, калі кароткае відэа;
• падстаўляць плячо сваёй справе: распавядаць пра паслугі праз гісторыі, водгукі і карысць, без настырнасці;
• размаўляць з аўдыторыяй па-цёпламу і па-справе: як адказваць, каб вярталіся;
• карыстацца аналітыкай без болю: што глядзець раз на тыдзень і чаму.

Вы зможаце:

• аформіць уласны профіль: фота, апісанне, спасылкі, Highlights;
• зрабіць 1 гатовы пост і 1 Story (пачнем на занятку, адшліфуем разам);
• сабраць свой мікра-план кантэнту на месяц (шаблон дам);
• наладзіць бяспеку і камфортную камунікацыю.

Разынкай заняткаў стане жывы разбор вашых пастоў: асабістыя падказкі па тэксце, фота і афармленні. Вы атрымаеце таксама “Канструктар кантэнту”.

Вы пройдзеце майстар-клас “Фота без нерваў”: 3 простыя прыёмы святла і кампазіцыі для хатніх здымкаў (рукадзелле, выпечка, урокі).

Пасля гэтых заняткаў вы не проста створыце свой акаўнт – наш эксперт дапаможа зрабіць ваш першы крок бачным, зрабіўшы рэпост найлепшых вашых допісаў у свой Instagram, дзе ўжо больш за 13 000 падпісчыкаў і 1 000 000 праглядаў за апошнія месяцы. Такім чынам ваш пост убачаць людзі, якія цікавяцца творчасцю, адукацыяй і жыццём.

Гэта не конкурс, а гэта магчымасць паказаць сябе, сваю справу і сваю гісторыю шырэй!

Заняткі адбудуцца 13 і 15 студзеня.

Пачатак: 20.00 па Менску (18.00 па Варашаве, 19.00 па Вільні).

Працягласць заняткаў – 1,5 гадзіны.

Мова: беларуская.

Просім прайсці простую рэгістрацыю на кожны з іх па спасылках ніжэй!

Пасля гэтага за дзень і за гадзіну да пачатку заняткаў вы атрымаеце нагадванне пра заняткі разам са спасылкай на ЗУМ.

13 студзеня:

15 студзеня:

Чакаем цябе таксама на іншых нашых занятках!

Чаму нам так цяжка гаварыць пра свае дасягненні і як сацыяльныя стэрэатыпы перашкаджаюць прасоўваць сябе ў асабістым і прафесійным жыцці? Як самапрамоцыя (самарэклама) непасрэдна ўплывае на кар’ерны рост, узнагароды і лідарскія магчымасці?

Адказы на гэтыя ды іншыя пытанні - на нашым занятку, які дапаможа вам лепш разумець і шанаваць сваю ўнікальнасць.

Пасля гэтых заняткаў вы будзеце разумець, як распазнаваць і пераадольваць унутраныя бар’еры, якія перашкаджаюць упэўнена гаварыць пра свае дасягненні ды эфэктыўна прэзэнтаваць іх у розных кантэкстах.

Вы зможаце паўдзельнічаць у практыкаваннях, дзе навучыцеся фармуляваць і агучваць
свае дасягненні ўслых.

Вы пачуеце натхняльныя гісторыі іншых удзельні:ц і падзеліцеся ўласнымі поспехамі ў падтрымліваючым асяроддзі.

Вы зможаце далучыцца да сусветнай супольнасці ”І’m Remarkable”, дзе ўжо больш за 700 000 чалавек.

Занятак адбудецца 8 студзеня.

Пачатак: 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Зарэгістравацца на заняткі можна да 8 студзеня. Гэта зойме ў вас не больш за хвіліну!

Пасля рэгістрацыі за дзень і за гадзіну да пачатку занятку вы атрымаеце спасылку на ЗУМ, па якой зможаце далучыцца да яго.

Далучайцеся таксама да іншых нашых заняткаў!

Якія бываць тыпы скуры, як нашая скура старэе і як у хатніх умовах правільна даглядаць за ёй, выкарыстоўваючы розную касметыку. Запрашаем на сустрэчу з Кацярынай Кучук, якая ахвотна падзеліцца з вамі карыснымі парадамі і лайфхакамі.

У час занятку вы даведаецеся:

– чым адрозніваюцца касметыка мас-маркет класа ад аптэчных брэндаў, і ад прафесійнай касметыкі;

– якія кампаненты ў касметыцы замаруджваюць старэнне;

– на якія зоны скуры трэба больш за ўсё звяртаць увагу ў працэсе дагляду;

– сакрэты эфектыўнага самамасажу твару і дэкальтэ.

Вы будзеце разумець як:

– правільна штодзенна даглядаць за скурай, ачышчаць яе, рабіць самамасаж.

– па якому прынцыпу падбіраць касметыку, каб яна прыносіла максімальную карысць.

– вызначыць свой тып скуры, а таксама ваш тып старэння і даведацца ўсё пра граматны дагляд за тварам.

Чакаем цябе таксама на іншых нашых занятках!

Гэтыя заняткі для тых, хто любіць і шануе беларускую мову, хоча больш упэўненна размаўляць на ёй, натхніцца яе хараством і мілагучнасцю, апынуцца ў прыязнай кампаніі.

На занятках вы даведаецеся праўду і міфы пра беларускую мову, як перайсці на яе і ці варта рабіць гэта, якія найбольш частыя памылкі мы робім пры ўжыванні беларускай мовы, у чым яе адметнасць.

Пасля гэтых заняткаў вы будзеце разумець, як палепшыць сваё валоданне беларускай мовай і пазбягаць распаўсюджаных памылак.

Вы зможаце:

• выкарыстоўваць атрыманыя веды і матэрыялы для далейшага самаразвіцця;
• паляпшаць уласнае маўленне ў паўсядзённым жыцці;
• больш упэўнена камунікаваць па-беларуску ў розных сітуацыях.

Разынкай заняткаў будзе праца з рэальнымі тэкстамі і допісамі жывых людзей, аналіз найбольш распаўсюджаных памылак, а таксама інтэрактыўныя тэсты для праверкі і павышэння ўласнага ўзроўню валодання.

Заняткі адбудуцца 3, 10 и 17 снежня.

Просім прайсці простую рэгістрацыю на кожны з іх па спасылках ніжэй!

Пасля гэтага за дзень і за гадзіну да пачатку заняткаў вы атрымаеце нагадванне пра заняткі разам са спасылкай на ЗУМ.

3 снежня:

10 снежня:

17 снежня:

Чакаем вас таксама на іншых занятках!

Даведацца базавыя рэчы пра фатаграфію, якія дазволяць вам па іншаму паглядзець на працэс фатаграфавання і яго вынікі. Зразумець, як працуе вашая тэхніка, як будаваць кампазіцыю здымка і як карыстацца тым асвятленнем, што маецца навокал.

Запрашаем на аўтарскі курс вядомага беларускага фатографа Сяргея Banifacyj Марозава!

Пасля курса вы зможаце значна палепшыць якасць вашых фотаздымкаў - як тэхнічную, так і ў плане перадачы сэнсаў, якія спрабуеце закласці ў фотаздымак.

У курсе выкарыстоўваецца агромістая колькасць фотаздымкаў для прыкладаў і нагляднасці, 99% якіх – аўтарскія. 

На занятках вы будзеце не толькі пасіўнымі слухачамі, але зможаце аналізаваць прыклады добрых (і не вельмі:) фота разам з выкладчыкам і іншымі курсантамі.

Заняткі адбудуцца 8, 9 і 16 снежня.

Пачатак: 20.00 па Менску (18.00 па Варашаве, 19.00 па Вільні).

Працягласць заняткаў – 1,5 гадзіны.

Мова: руская.

Просім прайсці простую рэгістрацыю на кожны з іх па спасылках ніжэй!

Пасля гэтага за дзень і за гадзіну да пачатку заняткаў вы атрымаеце нагадванне пра заняткі разам са спасылкай на ЗУМ.

8 снежня:

9 снежня:

16 снежня:

Запісвайся таксама на іншыя нашыя заняткі!

Гэта сустрэча для тых, хто адчувае хранічную стомленасць, згубіў матывацыю і шукае хуткі, эфектыўны спосаб аднавіць энергію.

У рытме сучаснага жыцця, дзе трэба быць прадуктыўным, сабраным і ўключаным, часта здаецца, што адпачынак - гэта слабасць. Але насамрэч менавіта свядомая паўза становіцца нашай стратэгічнай перавагай. Гэта сустрэча не проста пра расслабленне.

Гэта прастора для аднаўлення ўнутранай сістэмы, каб энергія, яснасць і матывацыя зноў пачалі працаваць на вас.

Вы адправіцеся ў асаблівае ўнутранае падарожжа, дзе шум знешняга свету сціхае, і становіцца бачнай ваша ўласная «мапа стану»: дзе вы губляеце сілы, а дзе схаваны ваш рэсурс.

На занятку вы даведаецеся:

• як ваш стан уплывае на якасць рашэнняў, эфектыўнасць і матывацыю;
• якія «энергетычныя ўцечкі» перашкаджаюць дзейнічаць на поўную сілу;
• як ператварыць хаатычны ўнутраны маналог у канструктыўны, натхняльны план дзеянняў.

Пасля сустрэчы вы будзеце разумець:

• дзе менавіта губляеце рэсурс і як вярнуць унутраную раўнавагу;
• дзе захоўваюцца вашы асабістыя запасы энергіі, упэўненасці і натхнення, і як хутка атрымаць да іх доступ;
• як свядома арганізаваць свой дзень, каб захоўваць энергію і ўключанасць.

Вы зможаце:

• выкарыстоўваць гэтую практыку для кіравання сваім станам;
• хутка і эфектыўна аднаўляць рэсурс у перыяды максімальнай нагрузкі, выкарыстоўваючы вобраз «горада» як ментальны якар;
• адчуваць упэўненасць, спакой і фокус нават у складаных жыццёвых сітуацыях.

Гэтая практыка - спалучэнне глыбокай медытацыі, коучынгавай працы і стратэгічнага мыслення. Вы не проста адпачнеце - вы вернеце кантроль над сваім унутраным станам і ўбачыце, як свядомае аднаўленне становіцца крыніцай сілы, рашэнняў і натхнення.

Хопіць проста адпачываць. Пачніце стратэгічна перазагружацца!

Запішыцеся на курс і актывуйце свой унутраны рэсурс.

Чакаем вас таксама на іншых занятках!

XVI стагоддзе займае асаблівае месца ў беларускай гісторыі. Статуты ВКЛ, Радзівілы, Будны, Гусоўскі, Скарына - спіс імёнаў і паняццяў з гэтай эпохі, знаёмых амаль кожнаму беларусу, можна яшчэ доўга працягваць. Часам можна пачуць, што гэта быў залаты век для нашай краіны і яе культуры. 

XVI стагоддзе займае значнае месца і ў гісторыі ўсёй Еўропы. У гэты час Адраджэнне ахоплівае ўжо ўвесь кантынент, адбываюцца тэктанічныя зрухі ў свядомасці, Рэфармацыя і Контррэфармацыя змяняюць цалкам стасункі паміж дзяржавай, царквой і вернікамі, кніга прыходзіць нарэшце амаль у кожны дом...  

Якое месца займала Вялікае Княства Літоўскае ў Еўрапейскай гісторыі гэтага часу? Якія агульныя тэндэнцыі былі характэрны для Заходняй Еўропы і беларускіх земляў. Ці існавала Беларусь ў XVI ст? Якім быў культурны ландшафт Усходняй Еўропы ў эпоху Адраджэння? Ці з’яўляецца ВКЛ часткай беларускага нацыянальнага міфа? На гэтыя і іншыя правакацыйныя пытанні можна будзе атрымаць адказ з курса.

Удзельнікі змогуць убачыць малавядомыя артэфакты, зазірнуць у гістарычныя крыніцы, праверыць свае навыкі ў палеаграфіі (дысцыпліна, якая вывучае гісторыю пісьма). Мы наведаем незвычайныя мясціны. 

Галоўная ідэя курса – не расказаць гісторыю Беларусі XVI стагоддзя, а паказаць нашую гісторыю ў кантэксце агульнаеўрапейскіх трэндаў і паразважаць над яе сэнсамі.  

Заняткі будуць цікавыя аматарам гісторыі і культуры любога ўзросту і ўзроўню падрыхтоўкі!

Вось тэмы нашых заняткаў: 

27 лістапада: Беларусы і беларускае ў XVI стагоддзі.

2 снежня: Культурны ландшафт Усходняй Еўропы XVI стагоддзя.

4 снежня: Вялікае Княства Літоўскае ў кантэксце еўрапейскай гісторыі XVI стагоддзя.

Чакаем вас таксама на іншых занятках!