Пазнаёміцца з выбітнымі персаналіямі гісторыі Беларусі і іх унёскам у нашу спадчыну, паглядзець на гэтыя постаці з нязвыклага боку, зразумець, што гісторыю стваралі не толькі мужчыны. Запрашаем на цыкл лекцый Святланы Сілавай! Рагнеда і Рагвалод, Святаполк і Уладзімір, Міндоўг, Марта і Даўмонд, Брыгіта і Кейстут, Ганна і Вітаўт – і гэта толькі пачатак спіса персаналій, праз які мы паглядзім на наша мінулае.
Як кіраваць увагай гледачоў/слухачоў? Як трымаць перспектыву аповеду і што, наогул, гэта такое? Як выбудоўваць логіку і рабіць правільныя “сэнсавыя націскі”? Усе гэтыя пытанні мы будзем дэталёва абмяркоўваць на лекцыях Паўла Гарадніцкага ў Віртуальным універсітэце.
Навошта штаты аб’ядналіся? Чым адрозніваецца Палата Прадстаўнікоў у ЗША і ў Беларусі? Што такое POTUS, SCOTUS i FLOTUS? У якой партыі сядзяць найбольшыя ласуны. Чаму ў гэтай дэмакратыі прэзідэнта не абіраюць безпасрэдна? Чаму Трамп не такі страшны як нам падаецца, а Байдэн не такі эфектыўны як бы нам хацелася? І гэта толькі частка таго, што дапаможа нам зразумець, як функцыянуюць ЗША. Вы даведаецеся, як выбары і Канстытуцыя ўплываюць на жыццё амерыканцаў і функцыянаванне краіны. Асаблівую ўвагу звернем на ролю культурнай разнастайнасці і грамадзянскай супольнасці ў развіцці ЗША. Лекцыя разлічана на актыўнасць нашых слухачоў. Пад час нашых заняткаў віртуальна пашпацыруем па штатах, выбярэм свайго прэзідэнта і Кангрэс, а таксама вынесем свой вердыкт у ключавых для ЗША справах Вярхоўнага суда.
Што такое фемінітывы і інклюзіўная мова? Як ужываць фемінітывы і інклюзіўную мову ў паўсядзённым і прафесійным жыцці? Усе гэтыя пытанні мы будзем дэталёва абмяркоўваць на лекцыі Дар’і Трафімавай у Віртуальным універсітэце.
Як выбудоўваць свае межы і цвяроза казаць “Не”? Якая стратэгія найлепш працуе пад час адстойвання сваіх інтарэсаў ў асабістых і прафесійных умовах? Як не баяцца адмаўляць людзям?
Як пераўвасобіць прынцыпы ўстойлівага развіцця ў эфектыўныя дзеянні? Што такое праекты на прынцыпах устойлівага развіцця і як іх ажыццяўляць? Усе гэтыя пытанні мы будзем дэталёва абмяркоўваць на лекцыях Алега Сівагракава ў Віртуальным універсітэце. Пасля заняткаў вы будзеце разумець, як лепш пачынаць сваю справу і што можа спрыяць таму, каб яна была ўстойлівая (у розным разуменні гэтага тэрміна), і як атрымліваць асалоду ад жыцця на прынцыпах устойлівага развіцця.
Што такое мікразеляніна і адкуль яна ўзялася? Якія ёсць віды мікразеляніны і ў чым іх карысць? Што патрэбна для вырошчвання мікразеляніны? Усе гэтыя пытанні мы будзем дэталёва абмяркоўваць на лекцыі Яўгена Калача ў Віртуальным універсітэце.
Што натхніла хлопчыка Уладзіміра, які нарадзіўся ў цалкам рускамоўнай сям'і стаць нацыянальна свядомым чалавекам? Як яму ўдавалася падманваць цэнзуру і пісаць пра несвабоднае жыццё ўсё, што ён думае і як гэта праходзіла ў друк? Чаму Уладзімір Сямёнавіч не любіў, калі яго называлі рамантыкам? Усе гэтыя пытанні мы будзем дэталёва абмяркоўваць на лекцыях Васіля Дранько-Майсюка ў Віртуальным універсітэце.
Адкуль пачынаецца клопат пра навакольнае асяроддзе: з кожнага і кожнай з нас! Прыродныя працэсы на працягу мільёнаў гадоў змянялі воблік нашай планеты, а зараз менавіта мы больш уплываем на гэтыя працэсы. Што такое клімат і чаму ён ніколі не быў стабільным? Якія фактары ўплываюць на кліматычныя ваганні? Як вылічыць асабісты ўнёсак у планетарныя змены?
Як можна ўладкаваць жыццё на асабістай дапаможнай гаспадарцы, калі вырашылі пераехаць жыць з горада на вёску? На што трэба будзе звярнуць увагу, каб ваша прадукцыя была вышэйшага эка-стандарту? Як яе можна рэалізоўваць і смачна гатаваць паводле традыцыйных тэхналогій?
Што такое паводзінавая эканоміка, і якія дзве важныя навукі яна ў сабе аб’яднала? Чаму тэрмін зялёная эканоміка так папулярны ў апошнія некалькі гадоў? Як сталенне насельніцтва ў Беларусі і ўва ўсім свеце ўплывае на эканоміку і змяняе яе? Усе гэтыя пытанні мы будзем дэталёва абмяркоўваць на лекцыях Аляксандра Малярэнкі ў Віртуальным універсітэце.
З’яўленне кнігадрукавання ў сярэдзіне XV ст. кардынальна змяніла Еўропу. Дзякуючы новаму вынаходніцтву, стала магчыма неверагодна паскорыць пашырэнне інфармацыі, распаўсюд ідэй і ведаў. Адбылася першая медыяльная рэвалюцыя. Хто стаяў ля вытокаў кнігадруку? Дзе з’явілася першая друкаваная кніга, у Азіі ці ў Еўропе? Калі свет убачыў славянскі першадрук? Запішыся і шукай адказы на гэтыя і іншыя цікавыя пытанні!
