Навіны - Віртуальны Універсітэт

Запрашаем на заняткі Віртуальнага Універсітэту! Глядзіце расклад

Вітаўт Руднік — Wed, 07 Oct 2026 13:56:50 +0000

Дзесяць экспертаў і экспертак падрыхтавалі для дзясятага сезону Віртуальнага Універсітэту цікавую і тэматычна разнастайную праграму, дзе вы напэўна знойдзеце тое, што вам цікава!

Рэгістрацыя на заняткі займае пару хвілін! Звярніце ўвагу, што спасылка на ЗУМ прыйдзе за дзень і за 2 гадзіны да заняткаў на тую пошту, якую вы пазначыце пры рэгістрацыі. Таму ўпэўніцеся, ці напісалі яе правільна, а яшчэ зазірайце на ўсялякі выпадак у спам!

Віртуальны ўніверсітэт

Дзясяты сезон

кастрычнік — лістапад 2026

Расклад заняткаў

Аўторак і чацвер, 20:00па Мінску · Zoom

10 выкладчыкаў — 10 заняткаў

аўторакчацверНацісніце на занятак, каб адкрыць анонс

Кастрычнік

Лістапад

Віртуальны Універсітэт – гэта адукацыйная непалітычная і некамерцыйная пляцоўка, створаная ў 2021 годзе.

Мы працуем для людзей усіх пакаленняў, якія імкнуцца атрымліваць важныя для жыцця ў сучасным грамадстве веды і ўменні, развівацца і самарэалізоўвацца.

Мы прапануем бясплатныя заняткі, курсы і майстар-класы на розныя тэмы ад лепшых экспертаў.

Мы размяшчаем запісы заняткаў, карысныя відэа і публікацыі, а таксама навіны пра розныя адукацыйныя магчымасці, якія ствараем мы альбо нашыя партнёры.

За дзевяць сезонаў працы Віртуальнага Універсітэту мы правялі больш за 230 заняткаў на самыя розныя тэмы. Удзел у іх бралі больш за 3500 чалавек ад 8 да 80 гадоў з розных гарадоў Беларусі, а таксама з іншых краін.

The post Запрашаем на заняткі Віртуальнага Універсітэту! Глядзіце расклад appeared first on Віртуальны Універсітэт.

Як змяняўся еўрапейскі тэатр і ці змяняў ён успрыманне гледачоў

Вітаўт Руднік — Wed, 07 Oct 2026 13:07:17 +0000

Як змяняўся еўрапейскі тэатр ад класічнай сцэны да сучасных эксперыментаў, як новыя формы, сюжэты і спосабы ўзаемадзеяння з гледачом уплывалі на яго ўспрыманне тэатра і самога сябе? Запрашаем на занятак Віртуальнага Універсітэту, на якім мы разам з Паўлам Гарадніцкім будзем размаўляць пра тое, якім быў еўрапейскі тэатр раней, якім ён стаў сёння і якім ён можа стаць у будучыні.

На занятку мы разам паспрабуем зразумець, чаму тэатр не толькі адлюстроўвае змены ў грамадстве, але і дапамагае іх ствараць.

Пасля занятку вы зможаце лепш разбірацца ў сучасных спектаклях і тэатральных праектах, заўважаць наватарскія падыходы, адрозніваць іх ад традыцыйных формаў, скіраваных перадусім на забаву публікі, і разумець, якія пытанні ставіць перад гледачом той ці іншы спектакль.

Разынкай сустрэчы будць асабістыя гісторыі выкладчыка і ўспаміны з больш чым 20-гадовага досведу ў тэатры: сустрэчы з рознымі рэжысёрамі, іх падыходамі да працы і рознымі спосабамі разумець, ствараць і ўспрымаць тэатр.

Запрашаем!

Пачатак: 3 лістапада ў 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Зарэгістравацца на занятак можна да 2 лістапада. Гэта зойме ў вас не больш за хвіліну!

Пасля рэгістрацыі за дзень і за 2 гадзіны да пачатку занятку вы атрымаеце спасылку на ЗУМ, па якой зможаце далучыцца да іх.

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Занятак праводзіць Павел Гарадніцкі.

Прафесійны акцёр з 20-гадовым стажам, рэжысёр і тэатральны педагог. На працягу многіх гадоў працаваў у Belarus Free Theatre. Выкладаў і праводзіў заняткі ў студыі Fortinbras пры Belarus Free Theatre, а таксама ва ўніверсітэце Mozarteum у Зальцбургу.

Праводзіў воркшопы і майстар-класы ў RADA (Royal Academy of Dramatic Art) і CalArts (California Institute of the Arts). Выпускнік Беларускага Дзяржаўнага Ўніверсітэта Культуры і Мастацтваў па спецыяльнасці «Акцёр драматычнага тэатра і кіно».

Разам з Belarus Free Theatre выступаў на вядучых тэатральных сцэнах свету. Спектаклі з яго ўдзелам былі адзначаны Fringe First на Эдынбургскім фестывалі, Obie Award і Drama Desk Award у Нью-Ёрку. Як рэжысёр паставіў 8 спектакляў. Зараз грае ў польскім тэатры Druga Strefa. Таксама з’яўляецца музыкам гурта Разбітае Сэрца Пацана (РСП).

Рэгіструйцеся таксама на іншыя нашыя заняткі

The post Як змяняўся еўрапейскі тэатр і ці змяняў ён успрыманне гледачоў appeared first on Віртуальны Універсітэт.

Нябачныя правілы нашага жыцця: ад абмежаванняў да магчымасцяў

Вітаўт Руднік — Wed, 07 Oct 2026 12:30:49 +0000

Усе мы жывём паводле пэўных «правілаў». Частку з іх мы выбралі самі, а частку атрымалі ад сям’і, грамадства і з уласнага жыццёвага досведу. Часам яны дапамагаюць нам, а часам непрыкметна абмяжоўваюць наш выбар.

На майстар-класе праз коучынгавыя і псіхалагічныя практыкі мы будзем даследаваць, што стаіць за нашымі «трэба», «нельга», «позна», «не атрымаецца» і як яны ўплываюць на нашы рашэнні. Гэта будзе не лекцыя пра тое, як правільна жыць, а прастора для пытання: «А што яшчэ для мяне магчыма?»

Пасля заняткаў Вы будзеце разумець:

як фарміруюцца нашы «нябачныя правілы» і перакананні;
якія з іх падтрымліваюць, а якія абмяжоўваюць;
як нашы думкі і інтэрпрэтацыі ўплываюць на выбар і магчымасці;
што можна змяніць у сваім поглядзе на сябе і жыццё, каб адкрыць новыя варыянты.

Вы зможаце:

заўважаць думкі, якія перашкаджаюць;
па-новаму глядзець на звыклыя сітуацыі;
убачыць больш магчымасцяў там, дзе раней здавалася, што выбару няма;
рабіць больш свабодныя і ўсвядомленыя крокі.

Запрашаем!

Пачатак: 17 лістапада ў 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: руская.

Зарэгістравацца на занятак можна да 16 лістапада. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Заняткі праводзіць Наталля Руселік.

Professional Coach ICU, трэнер НЛП, педагог, ментар-коўч групавых праграм, псіхолаг, фасілітатар форум-груп.

Рэгіструйцеся таксама на іншыя нашыя заняткі

The post Нябачныя правілы нашага жыцця: ад абмежаванняў да магчымасцяў appeared first on Віртуальны Універсітэт.

Каву ў справу! Як выкарыстоўваць кававую гушчу, а не пераўтвараць яе ў смецце?

Вітаўт Руднік — Tue, 06 Oct 2026 15:39:08 +0000

Штодня пасля кубка кавы застаецца тое, што мы звычайна без ваганняў выкідваем, – кававая гушча. Але ці сапраўды гэта смецце? На занятку мы паглядзім на яе як на каштоўны рэсурс і разбяромся, як прынцыпы цыркулярнай эканомікі могуць працаваць у самых звычайных штодзённых сітуацыях.

Мы пагаворым пра тое, што можна зрабіць з кававай гушчай дома, у кавярні, школе ці арганізацыі – ад кампоставання і догляду за раслінамі да касметыкі, біяматэрыялаў і іншых незвычайных спосабаў паўторнага выкарыстання.

Пасля заняткаў Вы будзеце разумець / ведаць:

чаму кававая гушча – гэта не проста адход;
як працуе прынцып «адходы = рэсурс»;
якія існуюць бяспечныя і практычныя спосабы паўторнага выкарыстання гушчы;
як яе правільна збіраць, сушыць і захоўваць;
і якую ролю такія простыя рашэнні могуць адыгрываць у скарачэнні колькасці адходаў і развіцці цыркулярнай эканомікі.

Вы зможаце:

выкарыстоўваць кававую гушчу ў побыце замест таго, каб адразу яе выкідваць;
выбіраць спосабы паўторнага выкарыстання ў залежнасці ад сітуацыі;
прапанаваць простыя экалагічныя рашэнні для дому, кавярні, офіса ці адукацыйнай установы;
а таксама паглядзець на іншыя звыклыя «адходы» як на патэнцыйныя рэсурсы.

Разынкай заняткаў будзе практычны досвед – мы не толькі пагаворым пра кававую гушчу, але і паспрабуем ператварыць яе ў карысны прадукт. А яшчэ даведаемся пра нечаканыя прыклады таго, як выкарыстаная кава становіцца сыравінай для касметыкі, угнаенняў, біяматэрыялаў і нават элементаў дызайну.

Магчыма, пасля гэтай сустрэчы свой наступны кубак кавы Вы ўжо не зможаце выпіць, не падумаўшы: «А што я зраблю з гушчай?»

Запрашаем!

Пачатак: 5 лістапада ў 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Зарэгістравацца на занятак можна да 4 лістапада. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Заняткі праводзіць Уладзімір Зуеў.

Магістр навук. Эколаг, педагог, публіцыст, аўтар навуковых публікацый.

Рызыкі ў нашым жыцці. Як да іх падрыхтавацца?

Рэгіструйцеся таксама на іншыя нашыя заняткі

The post Каву ў справу! Як выкарыстоўваць кававую гушчу, а не пераўтвараць яе ў смецце? appeared first on Віртуальны Універсітэт.

Як знайсці працу і не пасівець у працэсе: хітрыкі і лайфхакі ад дасведчанага наймальніка

Вітаўт Руднік — Tue, 06 Oct 2026 13:45:46 +0000

На гэтай сустрэчы вы даведаецеся, чаму пошук працы – гэта працэс даўжынёй ва ўсё жыццё. Мы разбярэмся, як выглядае пасіўны і актыўны пошук, дзе і як у той жа час наймальнікі шукаюць кандыдатаў – і чаму яны не заўсёды сустракаюцца, альбо чаму вынік сустрэчы (сумоўя) можа аказацца негатыўны, але гэта ўсё роўна добра.

Пасля заняткаў Вы будзеце разумець:

Што менавіта глядзяць у рэзюмэ рэкруцёр, ваш патэнцыйны начальнік і кіраўнік кампаніі.
Як выглядае праверка на стрэсаўстойлівасць.
Які падтэкст маюць тыя ці іншыя пытанні.
Ці мае значэнне фота і знешні выгляда кандыдата.
Дзе шукаць вакансіі.

Вы зможаце спакойна падрыхтаваць сябе і сваё рэзюмэ да любой вакансіі. І незалежна ад наступнага рашэння працадаўцы працягнеце лічыць сябе прафесіяналам, а не бачыць у адмове асабістую крыўду альбо нізкую ацэнку вашых хард- ці софт-скілоў.

А яшчэ вы зможаце знаходзіць вакансіі там, дзе раней не шукалі, навучыцеся чытаць паміж радкоў, што на сам рэч мае на ўвазе працадаўца.

Гэта будзе шчырая размова з кіраўніком, які амаль 30 год наймае людзей для розных бізнэсаў. І глядзіць не толькі анкету кандыдата і фармальную адпаведнасць вакансіі. А што яшчэ? Даведаецеся пасля заняткаў:)

Запрашаем!

Пачатак: 10 лістапада ў 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: беларуская.

Зарэгістравацца на занятак можна да 9 лістапада. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Заняткі праводзіць Крысціна Вітушка.

30 год досведу працы на кіруючых пасадах у міжнародным бізнэсе: IT, банкі, тэлекамунікацыі, вытворчасць, кансалтынг. Узначальвала калектывы ад 3 да 300 чалавек.

Заснавальніца кампаніі Vitushka Communications

Рэгіструйцеся таксама на іншыя нашыя заняткі

The post Як знайсці працу і не пасівець у працэсе: хітрыкі і лайфхакі ад дасведчанага наймальніка appeared first on Віртуальны Універсітэт.

Нечаканы Менск 100-гадовай даўніны вачыма мастака Якуба Кругера

Вітаўт Руднік — Tue, 06 Oct 2026 13:15:59 +0000

Даведацца пра жыццё і дзейнасць мастака Якуба Кругера (1869-1940), сярод вучняў якога былі такія вялікія творцы, як Хаім Суцін, Іван Ахрэмчык, Міхась Станюта, пазнаёміцца з цікавымі старонкамі культурніцкага жыцця дарэвалюцыйнага і паслярэвалюцыйнага Менску. Усё гэта чакае вас на чарговым занятку Віртуальнага Універсітэту, які правядзе для вас Васіль Дранько-Майсюк.

На занятках вы даведаецеся шмат новага і цікавага не толькі пра Якуба Кругера, але і пра той цікавы час.

На аснове малавядомых дакументаў, лістоў і архіўных знаходак мы здзейснім падарожжа ў невядомы нам Менск стогадовай даўніны, дзе Кругер адыгрываў адну з важных роляў.

Вы даведаецеся, чым жылі жыхары нашай сталіцы, якія фільмы глядзелі, на якія спектаклі хадзілі, куды прыходзілі да Кругера, каб ён намаляваў іх партрэт.

Мы распавядзем, дзе была майстэрня і легендарная школа Якуба Кругера, што там цяпер, якія прыгоды і нечаканыя моманты здараліся ў жыцці мастака і ягоных сяброў.

Разынкай заняткаў будзе нечаканы культуралагічна-дакументальна-тэатральны падыход пры асвятленні нашай тэмы, з яркімі паралелямі ды цікавосткамі.

Запрашаем!

Пачатак: 22 кастрычніка ў 20.00 па Менску (19.00 па Варшаве, 20.00 па Вільні).

Працягласць занятку – 1,5 гадзіны.

Мова: беларуская.

Зарэгістравацца на занятак можна да 21 кастрычніка. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Заняткі праводзіць Васіль Дранько-Майсюк.

Даследчык беларускай літаратуры і мастацтва, тэатральны рэжысёр, драматург, педагог і акцёр. Стваральнік спектакляў “Шчаслівы муж”, “Васіль Быкаў і ягоныя д’яблы”, “Жарсці Караткевіча”, “Уладзімір Караткевіч і Дзіва аднавокае”, “Чароўны тэатр Ларысы Геніюш”.

Чалавек, які зрабіў немагчымае: глядзіце новае відэа з курса пра Уладзіміра Караткевіча

Рэгіструйцеся таксама на іншыя нашыя заняткі

The post Нечаканы Менск 100-гадовай даўніны вачыма мастака Якуба Кругера appeared first on Віртуальны Універсітэт.

Мова як трэнажор для мозгу: памяць, словы і эфектыўнае вывучэнне моў (на прыкладзе польскай мовы)

Вітаўт Руднік — Mon, 05 Oct 2026 15:19:06 +0000

Ці можа вывучэнне замежнай мовы стаць сапраўднай трэніроўкай для мозгу? Як новыя словы, асацыяцыі, паўтарэнне і моўная практыка ўплываюць на памяць і мысленне?

На занятках мы пазнаёмімся з магчымасцямі мозгу, даведаемся пра нейрапластычнасць і механізмы запамінання, а таксама разбяром, як вывучэнне моў дапамагае падтрымліваць кагнітыўную актыўнасць.

На прыкладзе польскай мовы разгледзім эфектыўныя спосабы засваення новай лексікі, працу з асацыяцыямі і практычныя прыёмы, якія дапамогуць зрабіць навучанне больш усвядомленым і выніковым.

Пасля заняткаў вы будзеце разумець:
— як працуе памяць і якую ролю ў навучанні адыгрывае нейрапластычнасць;
— чаму адны словы і выразы запамінаюцца лёгка, а іншыя патрабуюць больш намаганняў;
— як звязаны вывучэнне замежных моў, увага, мысленне і памяць;
— якія метады дапамагаюць больш эфектыўна засвойваць і ўзнаўляць новую інфармацыю.

Вы зможаце:
— выкарыстоўваць простыя мнематэхнічныя прыёмы для запамінання новых слоў;
— выкарыстоўваць у навучанні асацыяцыі, актыўнае ўзгадванне і інтэрвальнае паўтарэнне;
— самастойна падбіраць практыкаванні для трэніроўкі памяці і ўвагі;
— зрабіць вывучэнне замежнай мовы больш структураваным і захапляльным.

Разынкай заняткаў будзе не толькі тэорыя, але і практыка!

Мы будзем трэніраваць памяць, разгадваць моўныя загадкі, ствараць незвычайныя асацыяцыі, выконваць практыкаванні на ўвагу і спрабаваць розныя спосабы запамінання.

Вы зможаце на ўласным досведзе пабачыць, як мова ператвараецца ў інструмент інтэлектуальнай актыўнасці, а звыклае вывучэнне слоў — у захапляльную трэніроўку мозгу.

Занятак правядзе Жэня.

Лінгвіст, перакладчык і выкладчык замежных моў з 13-гадовым вопытам працы. Выкладае англійскую, нямецкую і польскую мовы, працуе з індывідуальнымі вучнямі і групамі, распрацоўвае ўласныя адукацыйныя праграмы.
У сваёй працы спалучае сучасныя падыходы да вывучэння моў, практычныя метады запамінання і практыкаванні для развіцця памяці і ўвагі. Праводзіць заняткі па паляпшэнні памяці з дапамогай мовы («Перазагрузка памяці 2.0 — мова, памяць і актыўнае мысленне»).
У навучанні робіць акцэнт на даступнасці ведаў, практычнай карысці і актыўным удзеле слухачоў.

Пачатак: 19 лістапада ў 20.00 па Менску (18.00 па Варшаве, 19.00 па Вільні).

Працягласць заняткаў – 1,5 гадзіны.

Мова: руская.

Зарэгістравацца на занятак можна да 18 лістапада. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Рэгіструйцеся таксама на іншыя нашыя заняткі!

The post Мова як трэнажор для мозгу: памяць, словы і эфектыўнае вывучэнне моў (на прыкладзе польскай мовы) appeared first on Віртуальны Універсітэт.

Формула ўплыву: як зрабіць заяву, не кажучы ні слова

Вітаўт Руднік — Mon, 05 Oct 2026 14:49:16 +0000

Мы робім высновы пра людзей па тым, як яны сябе падаюць, і робім гэта імгненна. Малкальм Гладуэл назваў гэта «тонкімі зрэзамі» (thin-slicing). На занятку разбяромся, як працуе першае ўражанне і як ператварыць стыль у інструмент уплыву.

У цэнтры занятку формула ўражання. Кожны з шасці архетыпаў уплыву (Мудрэц, Уладар, Творца, Герой, Дыпламат, Візіянер) мае свой стыль камунікацыі і свае візуальныя маркеры.

Мудрэц тлумачыць і структуруе, і яго мова ў адзенні — мінімалізм, цёмныя колеры, чыстыя лініі.

Дыпламат гаворыць мякка і спакойна, і яго мова — мяккія тканіны і спакойная палітра. Калі тое, як вы гаворыце, супадае з тым, як вы выглядаеце, вы кіруеце эмацыйным тонам першага кантакту.

Пасля занятку вы будзеце разумець, як складаецца першае ўражанне, які архетып уплыву вам блізкі і якімі візуальнымі маркерамі ён чытаецца. Вы зразумееце, чаму вобраз павінен узмацняць, а не ўпрыгожваць.

Вы зможаце супаставіць свой натуральны стыль камунікацыі з візуальнымі маркерамі і вызначыць свой асноўны і дапаможны архетып, а значыць, сваю стратэгію ўплыву. Вы ацэніце, што ў вашым цяперашнім вобразе ўзмацняе ваша пасланне, што аслабляе аўтарытэт і што стварае візуальны шум.

Разынкай занятку будзе пытанне, на якое мы адкажам разам: чаму адзін колер не вызначае вобраз? А таксама тры пытанні, якія даюць 80% яснасці, і галерэя вядомых людзей, ад Юваля Ноя Харары і Крысцін Лагард да Цільды Суінтан і Сціва Джобса, на прыкладзе якіх мы ўбачым, як працуе кожны архетып. І апошні тэст: калі архетып пасуе вам натуральна, гэта ён. Калі даводзіцца «гуляць ролю», не.

Заняткі будуць карысныя ўсім, для каго важна, як іх успрымаюць: экспертам і кіраўнікам, тым, хто выкладае, выступае і вядзе перамовы.

Занятак правядзе Аксана Князева.

Бренд-стратэг, заснавальніца KNYAZEVABRIDGE.

Практыкуе з 2014 года, пасля заканчэння школы Аляксандра Васільева і школы імідж-дызайну Канстанціна Багамолава (Рыга).

У 2017–2020 гадах вяла рубрыку «Моднае расследаванне» на Першым нацыянальным тэлебачанні.

Лічыць, што прагрэс немагчыма адмаўляць, і любіць рабіць свет прыгажэйшым і больш адукаваным, дзяліцца інавацыйнымі ідэямі і паказваць, як можна па-іншаму.

Пачатак: 12 лістапада ў 20.00 па Менску (18.00 па Варшаве, 19.00 па Вільні).

Працягласць заняткаў – 1,5 гадзіны.

Мова: руская.

Зарэгістравацца на занятак можна да 11 лістапада. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Рэгіструйцеся таксама на іншыя нашыя заняткі!

The post Формула ўплыву: як зрабіць заяву, не кажучы ні слова appeared first on Віртуальны Універсітэт.

Што б такое з’есці, каб пахудзець пасля 50?

Вітаўт Руднік — Mon, 05 Oct 2026 14:13:09 +0000

Ешце менш, больш рухайцеся, высыпайцеся, не нервуйцеся… Парад так шмат, што клопат пра сябе часам ператвараецца ў яшчэ адну працу. А што рабіць, калі змяняецца не толькі цела? Калі тое, што раней давалася лёгка, цяпер патрабуе больш сіл, цяжэй засяродзіцца ці аднавіцца пасля нагрузкі? Хочацца зноў адчуваць сябе як у дваццаць — ці, наадварот, узнікае думка: «Ну ўсё, гэта старасць»?

Запрашаем жанчын 50+ на размову пра тое, як лепш разумець сябе ў гэтых зменах. Паглядзім, што адбываецца з нашым целам і самаадчуваннем, якія чаканні рэалістычныя і як клапаціцца пра сябе без лішняга ціску.

Вы не «зламаліся», і ваш «тэрмін прыдатнасці» не скончыўся. З падобнымі цяжкасцямі сутыкаюцца многія жанчыны. Разбяромся, што можа быць звязана з менапаўзай, што варта абмеркаваць з лекарам і як знайсці свой спосаб жыць добра ў целе, якое змяняецца.

На сустрэчы разбяром:

як могуць змяняцца цела і самаадчуванне ў перыяд менапаўзы і пасля яе, і чаго рэалістычна чакаць ад сябе;
чаму лічба на вагах — толькі частка карціны і якую ролю адыгрываюць бялок і сілавыя практыкаванні ў жыцці жанчыны пасля 50;
як улічваць сон, стрэс і патрэбу ў аднаўленні, не ператвараючы клопат пра іх у яшчэ адзін спіс патрабаванняў;
як зарыентавацца ў парадах пра здароўе і пахудзенне, адрозніць карыснае ад міфаў і не дадаць сабе трывогі;
як знаходзіць месца для пасільных змен у звычайным, неідэальным жыцці і падтрымліваць сябе, калі нешта не атрымліваецца.

Разынкай сустрэчы стане разбор знаёмых парад: «Ешце менш», «Больш рухайцеся», «Высыпайцеся», «Не нервуйцеся». Паглядзім, што ў іх карыснага, чаму ім бывае цяжка следаваць і як прыстасаваць іх да свайго жыцця. Будзем вучыцца заўважаць тое, што ўжо атрымліваецца, і ставіцца да сябе з дабрынёй, калі нешта ідзе не паводле плана.

Пасля сустрэчы вам будзе прасцей разумець змены ў сваім самаадчуванні, ацэньваць парады і вызначаць, што цяпер заслугоўвае вашай увагі.

Вы атрымаеце ідэі для клопату пра сябе з улікам сваіх патрэб і магчымасцяў. Будзе час і для вашых пытанняў.

Занятак правядзе Ганна Герасімава.

Сертыфікаваная коўч па менапаўзе, кансультантка па харчаванні і стваральніца праекта Anna Bloom Life.

«Мне 53 гады, я сама прайшла праз менапаўзу і сутыкнулася са зменамі цела і самаадчування, пра якія мы будзем гаварыць. Падзялюся тым, што кажа навука, сваім асабістым досведам і назіраннямі з асветніцкай працы з жанчынамі ў перыяд менапаўзы».

У мінулым сезоне Віртуальнага Універсітэта Ганна правяла цыкл з трох лекцый пра менапаўзу.

Запрашаем!

Пачатак: 29 кастрычніка ў 20.00 па Менску (18.00 па Варшаве, 19.00 па Вільні).

Працягласць заняткаў – 1 гадзіна.

Мова: руская.

Зарэгістравацца на занятак можна да 28 кастрычніка. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Рэгіструйцеся таксама на іншыя нашыя заняткі!

The post Што б такое з’есці, каб пахудзець пасля 50? appeared first on Віртуальны Універсітэт.

Штучны інтэлект: ад фінансавых пагрозаў да асабістага і сямейнага фінансавага асістэнта

Вітаўт Руднік — Mon, 05 Oct 2026 12:58:10 +0000

Штучны інтэлект усё больш актыўна ўваходзіць у наша штодзённае жыццё і ўсё больш уплывае на нашыя фінансавыя рашэнні. На занятку пагаворым пра два бакі гэтага працэсу.

З аднаго боку, разбяром новыя рызыкі: выкарыстанне ШІ ў махлярскіх схемах, стварэнне пераканаўчых фальшывых паведамленняў і прапановаў, а таксама абяцанні лёгкага заробку і «гарантаванага» прыбытку.

З іншага боку, паглядзім, як ШІ можна выкарыстоўваць як практычнага асістэнта ў асабістых і сямейных фінансах: для аналізу выдаткаў, планавання бюджэту, параўнання варыянтаў, тлумачэння складаных фінансавых паняццяў і мадэлявання розных фінансавых сцэнароў.

Асаблівую ўвагу надамо бяспечнаму выкарыстанню ШІ. Мы абмяркуем, якія асабістыя і фінансавыя звесткі не варта перадаваць такім сістэмам, чаму іх разлікі і сцверджанні трэба правяраць і як распазнаваць сітуацыі, калі пераканаўчы адказ ШІ можа аказацца памылковым.

Папярэдняя падрыхтоўка або спецыяльныя веды ў галіне штучнага інтэлекту для ўдзелу ў занятку не патрабуюцца.

Пасля занятку Вы будзеце разумець / ведаць:
— якія магчымасці і абмежаванні маюць сучасныя ШІ-інструменты ў сферы асабістых фінансаў;
— якія фінансавыя пагрозы становяцца больш небяспечнымі праз развіццё ШІ;
— якую інфармацыю бяспечна, а якую непажадана перадаваць ШІ;
— чаму адказы і разлікі ШІ трэба пераправяраць;
— у якіх штодзённых фінансавых задачах ШІ сапраўды можа быць карысным.

Вы зможаце:
— фармуляваць запыты да ШІ для вырашэння побытавых фінансавых задач;
— выкарыстоўваць ШІ для аналізу сямейнага бюджэту і параўнання розных сцэнароў;
— крытычна ацэньваць атрыманыя адказы і правяраць важныя разлікі;
— распазнаваць некаторыя характэрныя прыкметы сумнеўных фінансавых прапановаў і маніпуляцыяў;
— больш бяспечна выкарыстоўваць ШІ пры працы з фінансавай інфармацыяй.

Занятак правядзе Аляксандар Малярэнка.

Эканаміст і бізнес-/сістэмны аналітык. Мае магістарскія ступені ў галіне эканомікі і дзяржаўнага кіравання.

Выкладаў у некалькіх унівэрсітэтах, займаецца практычнай аналітыкай дадзеных, даследаваннямі і адукацыйнымі праектамі ў сферы макраэканомікі і трансфармацыйных працэсаў.

Піша для медыяў пра стан эканомікі, лічбавую трансфармацыю і выкарыстанне штучнага інтэлекту. У прафесійнай дзейнасці таксама выкарыстоўвае ШІ ў бізнес- і сістэмным аналізе.

Запрашаем!

Пачатак: 27 кастрычніка ў 20.00 па Менску (18.00 па Варшаве, 19.00 па Вільні).

Працягласць занятку – 1,5 гадзіны.

Мова: руская.

Зарэгістравацца на занятак можна да 26 кастрычніка. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Рэгіструйцеся таксама на іншыя нашыя заняткі!

The post Штучны інтэлект: ад фінансавых пагрозаў да асабістага і сямейнага фінансавага асістэнта appeared first on Віртуальны Універсітэт.

Не толькі пра піва: найкарацейшая гісторыя Чэхіі

Вітаўт Руднік — Mon, 05 Oct 2026 11:47:15 +0000

Запрашаем вас у захапляльнае і вельмі хуткае падарожжа праз ключавыя вехі чэшскай гісторыі: ад магутнага сярэднявечнага каралеўства і бунтарскай эпохі гусіцкіх войнаў, драматычных часоў Габсбургаў, выпрабаванняў Трыццацігадовай вайны, постаці Масарыка, да Аксамітнай рэвалюцыі і сучаснай еўрапейскай дзяржавы.

На сустрэчы мы выйдзем за межы турыстычных стэрэатыпаў і паразважаем пра тое, як фармавалася ўнікальная культура і нацыянальная ідэнтычнасць чэхаў.

Вы даведаецеся, як краіна ператварылася з аднаго з галоўных цэнтраў Свяшчэннай Рымскай імперыі ў адну з найбольш секулярных дзяржаў Еўропы, і чаму, нягледзячы на стагоддзі культурнага ўплыву аўстрыйскіх Габсбургаў, чэхі здолелі захаваць сваю мову і ўласную адметнасць.

Мы паразмаўляем пра тое, як ідэі такіх асоб, як Ян Гус, Берта фон Зутнер ці Вацлаў Гавел, мянялі ход гісторыі, і чаму сёння Чэхія лічыцца адной з самых паспяховых славянскіх краін. Акрамя таго, мы разбяром складаныя адносіны Чэхіі з суседзямі і паглядзім, які след пакінулі розныя палітычныя рэжымы ў сучасным абліччы краіны.

Чаму ў Чэхіі «выйсці праз акно» – гэта не проста спосаб праветрыць пакой, а радыкальны палітычны жэст? Мы паглыбімся ў феномен «Пражскіх дэфенестрацый» – спецыфічнай «нацыянальнай забавы», якая заключалася ў выкідванні непажаданых асоб з вокнаў пражскіх палацаў.

Вы даведаецеся, як адзін такі «палёт» стаў каталізатарам Трыццацігадовай вайны, што змяніла карту ўсёй Еўропы, і пераканаецеся, што чэшская гісторыя заўсёды была куды больш драматычнай і часам абсурднай, чым здаецца на першы погляд.

Пасля заняткаў вы навучыцеся хутка арыентавацца ў галоўных эпохах Цэнтральнай Еўропы, запомніце дзясятак ключавых гістарычных асоб і навучыцеся адрозніваць чэшскую культуру ад усіх суседніх.

Далучайцеся, каб паглядзець на Чэхію вачыма гісторыка, а не турыста!

Запрашаем!

Пачатак: 20 кастрычніка ў 20.00 па Менску (19.00 па Варшаве, 20.00 па Вільні).

Працягласць занятку – 1,5 гадзіны.

Мова: беларуская.

Зарэгістравацца на занятак можна да 19 кастрычніка. Гэта зойме ў вас не больш за хвіліну!

Звярніце ўвагу, што спасылка прыйдзе на адрас электроннай пошты, якую вы пазначыце пры рэгістрацыі. Пераканайцеся, што напісалі яе правільна! А яшчэ зазірайце ў спам:)

Заняткі праводзіць Аляксандр Паршанкоў.

Дактарант Карлавага ўніверсітэта (Прага, Чэхія), сябра Беларускага інстытута ў Празе, выпускнік БДУ (Менск), магістр гісторыі.

Даследніцкая дзейнасць Аляксандра прысвечана кірылічнай кнізе XVI-XVIII стст. і кніжнай культуры Вялікага Княства Літоўскага.

Таксама даследуе жыццё і дзейнасць, спадчыну Францыска Скарыны. Працаваў малодшым навуковым супрацоўнік Інстытута літоўскай мовы (Вільня, Літва).

Што (не)трэба ведаць пра Францыска Скарыну: ці праўда ўсё тое, што пішуць у падручніках?

Рэгіструйцеся таксама на іншыя нашыя заняткі

The post Не толькі пра піва: найкарацейшая гісторыя Чэхіі appeared first on Віртуальны Універсітэт.

Глядзіце папярэдні расклад дзясятага сезону Віртуальнага Універсітэту

Вітаўт Руднік — Mon, 05 Oct 2026 10:47:09 +0000

Дзесяць заняткаў, дзесяць розных, але вельмі цікавых выкладчыкаў і выкладчыц з розных краін, разнастайная тэматыка, зручны час заняткаў.

Глядзіце папярэдні расклад нашых заняткаў на кастрычнік-лістапад 2026 г.

Віртуальны ўніверсітэт · IFAE

Расклад заняткаў

Кастрычнік — лістапад 2026 · аўторкі і чацьвяргі, 20:00 па беларускім часе

20 кас · аўт

Не толькі пра піва: найкарацейшая гісторыя Чэхіі

Аляксандр Паршанкоў

22 кас · чц

Нечаканы Менск 100-гадовай даўніны вачыма мастака Якуба Кругера (1869–1940)

Васіль Дранько-Майсюк

27 кас · аўт

Штучны інтэлект: ад фінансавых пагрозаў да асабістага і сямейнага фінансавага памочніка

Аляксандр Малярэнка

29 кас · чц

Што б такое з’есці, каб схуднець пасьля 50? Харчаваньне, рух і клопат пра сябе

Ганна Герасімава

3 ліс · аўт

Тэатар як спосаб камунікацыі

Павел Гарадніцкі

5 ліс · чц

Каву — у справу! Як карысна выкарыстаць кававую гушчу, а не ператвараць яе ў адыходы?

Уладзімір Зуеў

10 ліс · аўт

Пошук працы: мы выбіраем — нас (не) выбіраюць. У чым справа?

Крысьціна Вітушка

12 ліс · чц

Формулы ўплыву: як кіраваць уражаньнем, якое вы робіце

Аксана Князева

17 ліс · аўт

Нябачныя правілы нашага жыцьця: ад абмежаваньняў да магчымасьцяў

Наталля Руселік

19 ліс · чц

Мова як трэнажор для мозгу: памяць, словы і эфэктыўнае вывучэньне моваў

Заняткі будуць распачынацца ў 20.00 па беларускім часе.

Спасылкі на заняткі будуць з’яўляцца пад анонсамі кожнага занятку, якія пачнуць публікавацца ўжо неўзабаве.

The post Глядзіце папярэдні расклад дзясятага сезону Віртуальнага Універсітэту appeared first on Віртуальны Універсітэт.